◆IsLaami Zindagi◆Post-17

◆IsLaami Zindagi◆

Post-17

Baab-3

◆ Baccho'n Ke Parwarish Ka Islami Tariqah

Ladke Aur Ladki Ko 2-Saal Se Zyada Doodh Na Pilao. Jab Bacchah Kuch Bolne Ke Laayeq Hoto Use Allah Ta'Aala Ka Naam Sikhao , Pehle Maaye'n Allah Allah Keh Kar Baccho'n Ko Sulati The'n Aur Ab Ghar Ke Radio Aur Gramo Phone Baaje Baja Kar Behlati Hain. Jab Bacchah Samajh_Daar Hojaye To Uske Samne Aisi Harkat Na Karo Jisse Bacche Ke Akhlaaq Kharab Hon Kunke Baccho'n Me'n Naqal Karne Ki Zyada Aadaat Hoti Hai. Jo Kuch Maa'n Baap Ko Karte Dekhte Hain Wahi Khud Bhi Karte Hain. Unke Samne Namaze'n Padho, QurAan Paak Ki Tilawat Karo, Apne Sath Masjido'n Me'n Namaz Ke Liye Lejao Aur Unko Buzrugo'n Ke Qisse Kahaniya'n Sunao. Baccho'n Ko Kahaniya'n Sunne Ka Bahot Shouq Hota Hai Sabaq Aamooz Kahaniya'n Sunkar Acchi Aadate'n Pade'n Gi. Jab Aur Zyada Hosh Sambhale'n To Sab Se Pehle Unko Paanch(5) Kalme Aur Eemaane Mujmal , Eemaane Mufassal, Phir Namaz Sikhao.

Kisi Muttaqi Ya Hafiz Ya Molvi Ke Paas Kuch Rooz Bitha Kar QurAane Paak Aur Urdu Ke Diniyat Ke Risale Zaroor Padhwado Jisse Bacchah Ma'aloom Kare Ke Me'n Kis Darkht Ki Shaakh Aur Kis Shaakh Ka Phal Hon Aur Paaki Paleedi Waghairah Ke Ahkaam Yaad Kare Agar Haq Ta'Aala Ne Aapko Chaar(4) Paanch(5) Ladke Diye Hain To Kam Az Kam Ek Ladke Ko Aalim Ya Haafize QurAan Banao. Kyunke Ek Hafiz Apni Teen(3) Pushto'n Ko Aur Aalim Saat(7) Pushto'n Ko Bakhshwayega.

Ye Khayal Mahaz Ghalat Hai Ke Aalime Deen Ko Roti Nahi Milti. Yaqeen Karo Ke Angrezi Padhne Se Taqdeer Zyada Nahi Milti. Arbi Padhne Se Aadmi Bad-Naseeb Hojata Hai.

Milega Wahi Jo Razzaq(Rizq Dene Wala) Ne Qismat Me'n Likha Hai Balke Tajruba Ye Hai Ke Agar Aalim Pura Aalim Aur Sahi-ul-Aqeedah Hoto Bade Aaram Me'n Rehta Hai Aur Jo Log Urdu Ki Chand Kitaabe'n Dekh Kar Wa'az Goyi Ko Bheekh Ka Zari'ah Bana Lete Hain Ke Wa'az Keh Kar Paisah Paisah Shuru Kar Diya.

Inko Dekh Kar Aalime Deen Se Na Dar Ye Wo Log Hain Jinho'n Ne Apna Bachpan Aawargi Me'n Kharab Kar Diya Hai Aur Ab Muhazzib (Tehzeeb Yafta) Bhikari Hai. Warna Ulmaye Deen Ki Ab Bhi Bahot Qadr-O-Izzat Hai. Jab Graduate Maare Maare Phirte Hain To Mudarriseen Ulma Ki Talaash Hoti Hai Aur Nahi Milte.

▶To be Continued ............... In Shaa Allah

Ref: Islami Zindagi

Az: Hakeemul Ummat Shaikhul Tafseer Mufti Ahmed Yaar Khan Na'eemi Alaihir Rahmah)