◆IsLaami Zindagi◆Post-18

◆IsLaami Zindagi◆

Post-18

Baab-3

◆ Baccho'n Ke Parwarish Ka Islami Tariqah

Apne Ladko'n Ko Shauqeen Mizaaj , Kharchila Na Banao, Balke Unko Saadgi Aur Apna Kaam Apne Se Karna Sikhao. Cricket , Hockey, Foot Ball, Hargiz Na Khelao Kyunke Ye Khail Kuch Faidah Mand Nahi Balke Unko Nabwat Lakdi Ka Hunar , Dand, Kusrat, Kushti Ka Fun Agar Mumkin Hoto Talwar Chalana Waghairah Sikhao , Jisse Tandrusti Bhi Acchi Rahe Aur Kuch Hunar Bhi Aajaye Aur Taash Baazi Aur Patang Baazi , Kabutar Baazi , Cinema Baazi Se Baccho ko Bachao Kyunke Ye Khail Haraam Hain.

Balke Meri Raay To Ye Hai Ke Baacho'n Ko ILm Ke Sath Kuch Dusre Hunar Bhi Sikhao. Jisse Baccha Kama Kar Apna Pet Bhar Sake. Ye Samajh Lo ke Hunar Mand Kabhi Khuda Ke Fadl Se Bhuka nahi Marta. Is maal-O-Daulat Ka Koyi Aetabar Nahi In Bato'n Ke Sath Angrezi Sikhao, College Me'n Padhao, Judge Banao Collector Banao, Duniya Ki Har Jaaiz Taraqqi Karao, Magar Pehle Isko Aisa Musalman Kardo Ke Kothi Me'n Bhi Musalman Hi Rahe Hamne Dekha Hai Ke Qadiyaniyo'n Aur Raafziyo'n Ke Bacche Graduate Hokar Kisi Ohde Par Pohach Jaye'n Magar Apne Mazhab Se Pure Waqif Hote Hain.

Musalmano'n Ke Bacche Ullu Hote Hain Ke Mazhab Ki Ek Baat Bhi Nahi Jante. Kharab Sohbat Paakar Be-Deen Ban Jate Hain. Jis Qadar Log Qadiyani Nechri Waghairah Ban Gaye, Ye Sab Pehle Musalman The Aur Musalmano'n Ke Bacche The Magar Apni Mazhabi Ta'Aaleem Na Hone Ki Wajah Se Bad-Mazhabo'n Ka Shikaar Hogaye. Yaqeen Karo Ke Iska Wabaal Unke Maa'n Baap Par Bhi Zaroor Hoga.

▶To be Continued ............... In Shaa Allah

Ref: Islami Zindagi

Az: Hakeemul Ummat Shaikhul Tafseer Mufti Ahmed Yaar Khan Na'eemi Alaihir Rahmah)